Ошто мүмкүнчүлүгү чектелүү жарандар арасында спорттук мелдештер уюштурулду

Бүгүн, 8-октябрда Ош шаарында майыптыгы бар адамдардын арасында кичи футбол, шахмат, аркан тартыш боюнча мелдештер өттү. Бул туурасында мэриядан кабарлашты.

Маалымдалгандай, спорттук иш-чарага Жалал-Абад, Ош, Баткен облустарынын жана Ош шаарынын азиздер жана дүлөйлөр коомунун өкүлдөрү катышты.

"Мелдештер жыл сайын уюштурулуп, майыптыгы бар жарандарды колдоо, дене тарбия жана спортко тартуу, спорттук иш-чаралар аркылуу алардын маанайын көтөрүү максатында өткөрүлүп келет", - деп белгиленген маалыматта.

Анын жыйынтыгы менен жеңүүчүлөр Ош шаардык дене тарбия жана спорт комитети тарабынан дипломдор, медалдар жана баалуу белектер менен сыйланышты.

Автор: Замира Ниязбекова