Садыр Жапаровдун учагы Ашхабад шаарына конду

Бүгүн, 11-октябрда президент Садыр Жапаров Ашхабад шаарына иш сапары менен барды. Бул тууралуу президенттин маалымат кызматынан билдиришти.

Анда мамлекет башчынын борту Түркмөнстандын баш калаасынын эл аралык аэропортуна конду.

Президент Садыр Жапаровду Түркмөнстандын министрлер кабинетинин төрагасынын орун басары Баймырад Аннамамедов тосуп алды.

Эскерте кетсек, Садыр Жапаров Түркмөнстандын президенти Сердар Бердымухамедовдун чакыруусу менен түркмөн акыны жана философу Махтумкули Фрагинин 300 жылдыгына арналган "Мезгил менен цивилизациялардын өз ара байланышы — тынчтыктын жана өнүгүүнүн негизи" аттуу эл аралык форумга катышат.