Түндүк Корея 1,4 миллион адам армияга барууну чечкенин билдирди

Түндүк Корея 1 миллион 400 миң жаштардын армияга баруу үчүн арыз бергенин билдирди. Бул тууралуу чет элдик басылмалар жазышууда.

Маалымдалгандай, жаштар, демобилизацияланган жоокерлер, анын ичинде студенттер жана жаштар союздарынын өкүлдөрү душмандарга согуштун жана ок-дарылардын жааганынын чыныгы даамын көрсөтүүгө макул экендигин билдиришкен.

Кореянын ортосундагы тирешүү Түндүк Корея Сеулду Пхеньяндын үстүнөн учкучсуз учактарын учурганын айтып күнөөлөгөн. Бирок түштүк кореялык аскерлердин айтымында, алар дрондорун Түндүк Кореянын аба мейкиндигине киргизген эмес.

Ошол эле учурда Түштүк Корея мындай аракеттерди Түндүк Кореядагы режимге каршы баракчаларды таркаткан жарандык топтор жасашы мүмкүн деген ойду айткан.

Буга чейин жооп иретинде Түндүк Кореянын аскерлери чек арага жакын жердеги автожолдордун жана темир жолдордун бөлүктөрүн жардырып жиберишкени маалым болгон. Ага жооп катары Түштүк Кореянын армиясы эскертүүчү ок чыгарган.