Казакстандагы жол кырсыктан 6 өзбек жараны каза болгондугу айтылды

Мангистау облусундагы жол кырсыкта алты чет элдик жаран каза болду. Алардын баары Өзбекстандын жарандары экендигин казак басылмалары жазышты.

Өлкөнүн полиция департаментинин маалыматы боюнча, Бейнеу – Тажен унаа жолунда Jac үлгүсүндөгү жеңил унаа чек арадан өтүү үчүн жол жээгинде кезекте турган MAN жүк ташуучу унаасын сүзүп ала салып кеткен.

Маалымдалгандай, унаада жалпы 10 жүргүнчү болгон. Жаракат алгандар оорукагана жеткирилип, абалы туруктуу экендиги айтылды.

Аварияга катыштыгы бар унаалардын баары Өзбекстанда катталгандыгы маалыматта кошумчаланган. Алар жүргүнчүлөрү менен Орусиядан өз мекенине кайтып келе жатышканда кырсыкка учураган.

Автор: Замира Ниязбекова