Израилдин танкы Ливандагы БУУнун позициясын аткылады

Израилдик танк Ливандын түштүгүндөгү БУУнун убактылуу күчтөрү жайгашкан жерге ок атып, материалдык зыян келтирди. Бул тууралуу чет элдик басылмалар жазышты.

"Бүгүн эртең менен Кафр Келанын жанындагы бейпилдик күчтөрү алардын күзөт мунарасына ок чыгарган Израилдин Merkava танкын байкашкан", - деп айтылат маалыматта.

Натыйжада эки камера талкаланып, мунарага зыян келтирилген. Бейпилдик күчтөрү ошондой эле танк позицияларды кайра-кайра аткылаганын билдирди.

"Биз Израилге жана бардык жеке адамдарга БУУнун кызматкерлеринин жана мүлкүнүн коопсуздугун камсыз кылуу, БУУнун имараттарынын кол тийбестигин ар дайым урматтоо боюнча милдеттерин эскертебиз", - деп баса белгилешти тынчтыкты коргоочулар.

Бул Израилдин БУУнун күчтөрүн биринчи жолу аткылашы эмес. 10-октябрда БУУнун Накурадагы штаб-квартирасында израилдик танк байкоо мунарасын аткылап, андан эки адам жарадар болгон.

Автор: Азат Бейшенбеков