Израиль жок кылган ХАМАСтын лидеринин жанынан эмне табылды?

ХАМАС тобунун лидери Яхья Синвар өлтүрүлгөндө анын жанынан 40 миң шекель жана тапанча табылган. Бул тууралуу чет элдик басылмалар Израилдин Коргоо күчтөрүнүн басма сөз катчысына шилтеме берүү менен жазып чыгышты.

Маалыматтарга караганда, табылган акча болжолдуу 10,7 миң долларга барабар. Ошондой эле Синвардын жанынан Бириккен Улуттар Уюмунун палестиналык качкындарга жардам көрсөтүү агенттигинин паспорту дагы табылган.

Бейшемби күнү Изариль аталган топтун лидери Газа тилкесинде жок кылынганын жарыялаган.

Автор: Кылымбек Бейшеев
Фото: Интернеттен алынды