Нетаньяху Иранды аны өлтүрүүгө аракет кылды деп айыптады

Израилдин премьер-министри Биньямин Нетаньяху 19-октябрда Кесария шаарына жакын жерде пилотсуз учактын чабуулу учурунда Иран аны жана анын жубайын өлтүрүүгө аракет кылган деп айыптады. Бул тууралуу ал X социалдык тармагындагы баракчасына жазды.

"Бүгүн мени жана жубайымды өлтүрүүгө аракет кылган ирандык агенттер чоң ката кетиришти. Бул мени жана ИзраилЬ мамлекетин коопсуздугубузду камсыз кылуу үчүн душмандарыбызга каршы согушту улантуудан токтото албайт", - деп жазган ал.

Ал ошондой эле ирандык агенттерге кайрылып, Израилдин жарандарына зыян келтирген ар бир адам жооп берерин кошумчалаган.

Буга чейин Ливандан Израилге үч чабуулчу учкучсуз учактар учурулган. Экөө абадан коргонуу системалары тарабынан жок кылынып, дрондордун бири Нетаньяхунун жеке резиденциясы жайгашкан Кесария шаарына жакын жердеги имаратка тийген. Израилдин премьер-министринин кеңсеси чабуулдун бутасы резиденция болгонун, бирок Израилдин башчысы өзү жана анын жубайы ал жерде болгон эместигин билдирген. Кол салуудан жабыркагандар болгон жок.

Автор: Азат Бейшенбеков