Дональд Трамп McDonalds'та картошка фри кууруп, кардарларды тейледи (сүрөт)

Дональд Трамп АКШнын Пенсильвания штатында McDonalds'та картошка фри жасап, адамдарды тейлеген. Бул тууралуу чет элдик басылмалар жазышууда.

Анда ал бир нече порция картошка фри даярдаган. Ошондой эле кардарларга өз эсебинен бир нече буйрутма берген. Ошентип президенттикке талапкер Трамп Макдоналдста бир жарым сааттай кызмат кылган.

Андан кийин чакан пресс-конференция уюштурулуп, Трамп өзүнүн демократ атаандашы, АКШнын вице-президенти Камала Харристи 60 жаш мааракеси менен куттуктады. Ал анын туулган күнүнө бир порция картошка фри бере турганын айткан. Трамп Харристин McDonalds'та студент кезинде толук эмес иштегендиги тууралуу билдирүүсүн калп деп атаган. Анын айтымында, бул тууралуу эч жерде эч кандай маалымат жок болгон.