"3 мүнөт". Жаңы Зеландияда аэропортто узак убакыт коштошууга тыюу салынды

Жаңы Зеландиянын аэропортунда узак убакыт коштошууга тыюу салынды. Бул тууралуу чет элдик басылмалар жазышууда.

Андагы маалыматка караганда, Данедин эл аралык аэропортунун түшүрүү зонасында жаңы белгилер пайда болгон. Анда "жүргүнчүлөр жакындарын кучактап коштошуу үчүн 3 мүнөт гана убакыт берилет" деп жазылган.

Аталган белгилер социалдык тармактарга тарап, айрымдар чектөөнү туура эмес деп баалашкан. Бирок идея жакшы экенин айтып, аны башка аэропортторго киргизүүнү сунуштагандар дагы болгон.

Ал эми көбүрөөк убакыт коштошууну каалагандар үчүн аэропорт унаа токтотуучу жайга барууну сунуштайт, ал жерде коштошууга 15 мүнөт убакыт бериле турганы айтылган.

Автор: Бурул Турусбекова