Пентагондун башчысы Киевге күтүүсүз иш сапары менен барды

Пентагондун башчысы Ллойд Остин Киевге күтүүсүз иш сапары менен барды. Бул туурасында чет элдик басылмалар жазышты.

Маалымдалгандай, Остин Киевге АКШнын колдоосу бекем экендигин билдирген убадалар менен келген. Ал эч кандай аскердик жардам же ракеталарды Орусияга учуруу уруксатын алып келбегендиги маалыматта айтылган.

Басылмалар белгилегендей, иш сапардын алкагында Остин Украинанын башчысы Владимир Зеленский, ошондой эле өлкөнүн коргоо министри Рустем Умеров менен жолугат. Анда Украинанын куралга болгон муктаждыктарын жоюу жана АКШнын кийинки жылга пландаган колдоосу талкуулана тургандыгы белгиленген.

Белгилей кетсек, АКШнын Коргоо министри Ллойд Остин акыркы ирет 2023-жылдын 20-ноябрда Киевге барган.

Автор: Замира Ниязбекова