"Жашагым келбей калды дейт". Өмүрзаков жаракат алган аскер кызматчылары тууралуу маселе көтөрдү

Бүгүн, 24-октябрдагы Жогорку Кеңештин жыйынында депутат Сүйүнбек Өмүрзаков кызматтык милдетин аткарып жатып жаракат алган аскер кызматчыларынын жөлөк пулун көтөрүүнү сунуштады.

Ал бүгүнкү күндө оор жаракат алган аскер кызматчылары 30-40 миң сом жөлөк пул аларын, бул сумма алардын ден соолугун калыбына келтирүүгө жетпей жатканын айтты.

"Баткен окуясында бир аскерибиздин омурткасына 2 ок тийген экен. Анын аты-жөнүн айтпай эле коёюн. Бүгүнкү күндө ал абдан оор акыбалда. Аны өз энеси жуунтат экен. Бала айтып атат "энемдин ыйлаганын көрүп, жашагым келбей калды" деп. Аларга ден соолугун кайра кабылыбына келтирүү үчүн убакыт керек экен. Дары-дармек кымбат болуп жатат. Андан сырткары аларга психологдор керек. Мындай кызмат учурунда оор жаракат алгандар 20 дай эле бар", - деди Өмүрзаков.

Автор: Кылымбек Бейшеев
Фото: Интернеттен алынды