Израил Ливанга басып кирүүнү кеңейтүүгө даярданып жатат

Израилдин Башкы штабынын төрагасы Херзи Халеви армиянын Ливанга каршы согуштук операцияларын кеңейтүүгө даярдануусу керектигин, ошол эле учурда бул өлкөдө жөнгө салууга жетишүү үчүн дипломатиялык аракеттерди улантуусу керектигин айтты. Бул тууралуу чет элдик басылмалар жазды.

Ал кошумчалагандай, армия бүткүл аймакта "Хезболланын" буталарына сокку урууну улантууга тийиш. Ошондой эле ал Израил армиясы өткөн түнү Бейруттун түштүк четиндеги Хезболланын буталарына бир катар сокку урганын билдирди.

Сентябрдын аягынан бери Израил Ливандагы "Хезболланын" буталарына каршы аба чабуулдарын күчөттү. Израил 1-октябрда Ливандын түштүгүнө кургактан чабуул жасап, жаңжалды кеңейтти.

Ливандын саламаттыкты сактоо органдарынын маалыматы боюнча, 2023-жылдын октябрынан бери Израилдин чабуулдарынан 3 миңден ашуун адам каза таап, дээрлик 13,5 миңи жарадар болгон.

Автор: Айпери Бакталбек кызы