"Жөжөлөрүңүз жакшы тоок, короз болуп жатат". Депутат Сатыбалдиев Министрлер кабинетинин төрагасын мактоого алды

Бүгүн, 14-ноябрдагы Жогорку Кеңештин жыйынында депутат Элмурза Сатыбалдиев Акылбек Жапаровго өкмөт башчы катары аткарган иштери үчүн ыраазычылык билдирип, аны мактоого алды.

"Жөжөнү күздө санайбыз" деп жатышпайбы. Сиздин жөжөңүздү 3 жылдан бери санап жатабыз, жакшы эле тоок, короз болуп жатат. Сиздей менеджер бүгүнкү күндө керек. Балким, туулуп калар. Ким билет, аркаңарда аңдып жүргөндөр дагы бардыр. Айтор, жөжөңөр жакшы, мындай алсырап өлүп калганы жок. Айтылган маселелерди чечип берсеңер, мындан ары дагы жөжөлөрүңөрдү семирткенге, санаганга салым кошобуз", - деди Сатыбалдиев.

Автор: Кылымбек Бейшеев
Фото: Интернеттен алынды