Грузияда оппозиционер шайлоо комиссиясынын төрагасына кара боёк чачып жиберди (видео)

Грузиянын Борбордук шайлоо комиссиясынын төрагасы Георгий Каландаришвилиге оппозициячыл Давид Киртадзе кара боёк чачып жиберди. Бул туурасында чет элдик басылмалар жазышты.

Маалымдалгандай, борбордук шайлоо комиссиясы 26-октябрда өткөн парламенттик шайлоонунун жыйынтыгы боюнча маалымат берүүгө чогулган. Жыйын телеканалардын биринде түз эфирде көрсөтүлүп жаткан.

Бул арада БШКнын имаратынын алдында оппозиция партияларынын тарапташтары митинг өткөрүп жатышканы маалыматта кошумчаланган.

Белгилей кетсек, 27-октябрда Грузиянын президенти Зурабишвили оппозиция лидерлери менен сүйлөшүп, шайлоонун жыйынтыгын тааныбай турганын билдирген. Ал бардык жарандарды көчөгө нааразычылык акциясына чыгууга чакырган.