Медитациянын пайдасы
Учурда медитация менен алектенген адамдардын саны өсүүдө.
Медитация адамдын психикасы үчүн көп таасири бар деп айтылат. Ал адамды сабырдуу болууга, концентрациясын курчутканга, эс-тутумду кеңейткенге жана ой жүгүртүүнү жогорулатууга жардам берет. Медитацияны практикада колдонуу аркылуу адам баласы кызыл кандуулукка азыраак алдырып, көйгөйлөрдү акыл калчап, беймарал жагдайда чечүүгө мүмкүндүк берет.
Машыгуу учурунда адам денедеги өзүнүн сезимдерин көзөмөлдөйт, эмоцияларды жана ойлорду ордуна коё берет. Сабактардын максаты – эс алуу, тынчсыздануудан арылуу, ачууланууну токтотуу. Медитация көбүнчө йога же журнал жазуу сыяктуу башка физикалык жана психикалык практикалар менен айкалышат.
Изилдөөлөр медитация менен үзгүлтүксүз машыгуу мээге кан агымын көбөйтүп, кээ бир учурда картаюу процессин жайлатарын көрсөткөн.
Медитациянын түрлөрү
Медитацияда ой топтоонун белгилүү түрлөрүн машыктырган ар кандай ыкмалар бар. Эң белгилүү эки стратегия бар — биринчиси, баамдап дем алуу.
Мында сиз дем алып чыгаруу сезимдерине көңүлүңүздү топтойсуз.
Экинчисинде дене-башыңызды толук көзөмөлгө алып, көңүлүңүздү баштан ылдый таманыңызга чейин багыттайсыз жана мында пайда болгон ар бир физикалык сезимди эсиңизге өзүнчө бөлүп аласыз.
Адам өзүнүн кайда экенин жана эмнени сезип жатканын түшүнүү үчүн көңүлүн сырткы объекттерге жана ички абалдарга топтойт.
Медитатор жардам, пайдалуу кеңеш жөнүндө же жакшы иш үчүн ыраазычылык билдиргиси келген адамдар жөнүндө ойлонот. Сиз аларды элестетип, акыл-эс менен рахмат айта аласыз, же жагымдуу окуяларга чөмүлүп, кайрадан кубанычты сезе аласыз. Позитивдүү окуяларды эскерүү адамды тынчтандырат жана коомдун бир бөлүгүн сезүүгө жардам берет.
Жаңы баштагандар үчүн медитация ыкмалары
Медитацияны жаңыдан баштаган адамга бир күн бою теорияны изилдеп, же адамдар менен баарлашууну токтотпой, эс алуу искусствосунун алгачкы кадамдары үчүн жөнөкөй ыкмаларды өздөштүрүүсү жетиштүү.
Кантип жана кандай ылдамдыкта дем алып жатканыңызга көңүл буруңуз. Аларды узартууга аракет кылыңыз, дем алуу үнүн угуңуз, абанын мурунга кандай тийгенин сезиңиз. Бул медитацияны отуруп же жатып жасоого болот.
Демди ичке тереңирээк, курсак аркылуу алуу шарт. Өтө катуу терең алууга болбойт. Дем тартканда 1 деп, дем чыгарганда 2 деп эсептейбиз. Кайра дем тартканда 3, дем чыгарганда 4 болот. Ошентип саны 10го жеткенде 1 цикл болот. Андай циклдердин санын медитацияга алгач киришкен кезде 5ке жеткирүү сунушталат. Тактап айтканда, медитация алгач 2-3 мүнөттөн башталып, анан 20 мүнөткө, кийин 1 саатка жетиши зарыл.
Унчукпай отуруп, айланаңызда эмне болуп жатканын байкаңыз. Үйдө болсоңуз, дубалдагы же муздаткычтын, сааттын үнүн угуңуз. Унаа менен бара жатсаңыз айланаңыздагы адамдарга, терезенин сыртындагы үйлөргө, отургучка караңыз.
Эгер сиз ойлоруңуздан ажырап, кадимки байкоого кайтуу кыйын болуп жатса, анда сиз тынч музыка менен жасасаңыз болот. Мисалы, жаратылыш үндөрү же куштардын сайрашы. Машыгуулар жеңилирээк болуп калганда, музыкасыз машыгыңыз – бул көңүл коюуга жардам берет.
Ошондой эле айрым окумуштуулар медитация адамды өзүмчүл кылып коюусун да белгилеп өтүшкөн.
