Кыргызстан менен Австриянын кызматташуусуна байланыштуу бир канча документтерге кол коюлду

Бүгүн, 25-ноябрда, президент Садыр Жапаровдун Австрияга жасаган расмий сапарынын алкагында кыргыз-австриялык биргелешкен өз ара аракеттенүүнү өнүктүрүүгө багытталган бир катар эки тараптуу документтерге кол коюлду. Бул тууралуу президенттин маалымат кызматынан билдиришти.

Төмөнкү документтерге кол коюлду:

- Тышкы иштер министрлиги менен Австриянын Европа жана эл аралык иштер министрлигинин ортосундагы 2025-2026-жылдарга кызматташтык программасы.;

- Санариптик өнүктүрүү министрлиги менен Австриянын финансы министрлигинин ортосундагы инновациялык технологиялар, мыкты тажрыйбалар жана экономикалык кызматташтык жаатында кызматташуу боюнча өз ара түшүнүшүү жөнүндө Меморандум;

- Жаратылыш ресурстары, экология жана техникалык көзөмөл министрлиги менен Австриянын финансы министрлигинин ортосундагы инновациялык технологиялар, пайдалуу кендерди казып алуу жана минералдык ресурстар жаатында кызматташуу боюнча өз ара түшүнүшүү жөнүндө Меморандум;

- Финансы министрлиги менен Австриянын Финансы министрлигинин ортосундагы кызматташтык жөнүндө Меморандум;

- Кыргызстандын Интеллектуалдык менчик жана инновациялар мамлекеттик кызматы (Кыргызпатент) менен Австрия патенттик ведомствосунун ортосунда өз ара түшүнүшүү жөнүндө Меморандум;

- Энергетика министрлиги менен “ANDRITZ HYDRO GmBH” компаниясынын ортосундагы өз ара түшүнүшүү жөнүндө Меморандум.