Алымкадыр Бейшеналиев мамлекеттик дарыканалар элге кандай пайда алып келип жатканын айтып берди

Бүгүн, 27-ноябрдагы Жогорку Кеңештин жыйынында депутат Руслан Жакышев мамлекет тарабынан ачылган "Эл Аман" дарыканаларындагы дарынын баалары жеке менчик дарыканалардыкынан кымбат болгон учурлар болуп жатканын айтты.

Саламаттыкты сактоо министри Алымкадыр Бейшеналиев муну мамлекеттик дарыканаларда дары арзан болгондуктан жеке менчик дарыканалар бааны андан дагы ылдый түшүрүүгө аргасыз болгондугу менен түшүндүрдү.

"Базарда атаандаштык болгондуктан өтпөй калган товарын арзандатат. Биз ачканда 20-30 пайызга арзан болчу. Анан жанында турган менчик дарыканалардын товарлары өтпөй, алар дарынын баасын ылдыйлатты. Бул элге абдан жакшы болду. Эгер биз атаандаштыкты дагы да күчөтсөк элге керектүү дарылардын бардыгы бир баага түшөт", - деди министр.

Автор: Кылымбек Бейшеев
Фото: Интернеттен алынды