Бишкектеги дагы бир көчөгө асфальт төшөлө баштады (фото)

Бишкек шаарындагы Республика көчөсүнө асфальт төшөө уланууда. Бул тууралуу Бишкек мэриясы кабарлады.

Республика көчөсүнүн Жибек Жолу проспектисинен Чоң Чүй каналына чейинки капиталдык ремонту 2024-жылдын титулдук тизмесине киргизилген. Шаардыктарга ыңгайлуу болушу үчүн аталган көчөнү капиталдык оңдоо иштери этап-этабы менен жүргүзүлүүдө.

"Жолчулар Жибек Жолу проспектисинен Берёзовая көчөсүнө чейинки жерди асфальтташты. Учурда Берёзовая көчөсүнөн баштап аллеяга чейин асфальт-бетон аралашмасын төшөө иштери улантылууда.

Белгилей кетсек, буга чейин адистер ирригациялык системаны, бордюрларды орнотуп, жолдун негизин даярдашкан", - деп билдиришти мэриядан.

2025-жылда аба ырайы туруктуу болгон учурдан тартып Республика көчөсүнүн капиталдык ремонту аллеядан ЧЧКга чейин улантылат.

Автор: Азат Бейшенбеков