Бишкектеги эки айылда окуучулар үчүн акысыз автобустар иштеп баштады

Бишкектеги Новопавловка жана Орок айылдарында акысыз мектеп автобустары жүрүп баштады. Бул тууралуу калаа мэриясы бүгүн, 28-ноябрда маалымдады.

Маалыматка ылайык, аталган аймакта 4 мектеп жана 4 бала бакча жайгашкан.

"Дача-СУ, Учкун, Учкун-2 айылдарында окуучулардын саны 2000ден ашат. Аталган райондордогу мектептердин жоктугуна байланыштуу окуучулар Манас айылындагы Ат-Башы мектеп-лицейинде 3-7,5 чакырым алыс аралыкта билим алышат.

Ленин муниципалдык администрациясы менен "Бишкек шаардык транспорт" муниципалдык ишканасынын ортосунда мектеп окуучуларын акысыз ташуу боюнча келишим түзүлгөн", - деп жазылат маалыматта.

Учурда Дача-СУ, Учкун жана Учкун-2 аймактарында окуучуларды эртең мененки саат 07:00дөн кечки 19:00гө чейин акысыз ташуу иштери жүргүзүлүп жатканы маалымдалды.