Бишкекте айым-режиссёрлордун эл аралык кинофоруму өттү

Бишкекте кинорежиссёр, документалист Клара Юсупжановага арналган Кыргызстан айым-режиссёрлорунун VI эл аралык кинофорумунун ачылыш аземи болуп өттү. Бул жөнүндө Маданият министрлигинин маалыматында айтылат.

Иш-чара Ч.Айтматов атындагы республикалык Кино үйүндө өтүп, ага маданият министри Алтынбек Максутов катышты.

Форумда Юсупжанованын бейнеси жана чыгармачылыгына арналган Тыныстан Темиржандын “Клара” аттуу тасмасы көрсөтүлдү. Ошондой эле тасманын чыгармачыл тобу жана режиссёр менен көрүүчүлөрдүн ортосунда суроо-жооптор орун алды. Мындан тышкары Юсупжанова башкы ролдо ойногон “Түштүк кызы” тасмасы көрсөтүлдү.

Автор: Айжанар Рыспек кызы
Фото: Маданият министрлиги