Имамидин Ташовдун адвокаты Самат Матцаков кармалганы айтылды

Бишкекте адвокат Самат Матцаков кармалды. Бул тууралуу анын кесиптеши жергиликтүү басылмаларга кабарлады.

Маалыматка ылайык, бүгүн, 29-ноябрда эртең менен Матцаков УКМКга сурак берген. Ошондой эле анын батири атайын кызматтын кызматкерлери тарабынан тинтүүгө алынганы маалым болду.

Учурда кармоонун жана тинтүүнүн себептери боюнча УКМК маалымат бере элек.

Белгилей кетсек, Самат Матцаков адвокат катары журналисттерди, төкмө акын Аскат Жетигенди, "KG-Group" курулуш компаниясынын негиздөөчүсү Имамидин Ташовду жана башка көптөгөн адамдарды коргоп келет.