Бүгүн президент Садыр Жапаровдун туулган күнү. Кантип белгилейт?

Президент Садыр Жапаров туулган күн тосконду анча жактыра бербейт. Бул тууралуу анын басма сөз катчысы Аскат Алагөзов SUPER.KG медиа порталына президент туулган күнүн кантип белгилейт деген суроого жооп берип жатып билдирди.

"Кадимкидей эле иш күн. Туулган күн тосконду анча жактыра бербейт. Кечинде иштен кийин үй-бүлөсү, жакындары символикалык түрдө куттуктайт", - деди ал.

Бүгүн, 6-декабрда президент Садыр Жапаров 56 жашка толду. Аны туулган күнү менен куттуктап башка өлкөлөрдүн президенттери куттуктоо телеграммаларын жиберип жатышат. Алардын катарында Орусиянын президенти Владимир Путин, Кытайдын төрагасы Си Цзиньпин, Беларустун президенти Александр Лукашенко, Түркмөнстандын башчысы Сердар Бердымухамедов, Азербайжандын президенти Ильхам Алиев жана коңшу өлкөлөрдүн лидерлери да бар.