ИИМ полковник Толкунбек Шоноевдин өлүмүнө шектүү адамды тапкандарга 200 миң сом акчалай сыйлык убада кылды

Ички иштер министрлигинин Уюшкан кылмыштуулукка жана коррупцияга каршы күрөшүү башкармалыгынын түштүк аймактык бөлүмү полковник, аталган бөлүмдүн мурдагы башчысы Толкунбек Шоноевдин өлүмүнө шектүү адамды издөөдө. Ал 1987-жылы туулган Сайдиев Кадырбек Абдирашидович, уюшкан кылмыштуу топтун мүчөсү. Анын жүргөн дарегин же ал тууралуу кандайдыр бир маалымат берген адамга ИИМ 200 миң сом акчалай сыйлык берүүнү убада кылды. Аталган адам тууралуу маалыматы барлар төмөнкү телефондор аркылуу кабар билдирсе болот: 0 (3222) 2-13-80, 0 (3222) 3-03-88, 0552 20-04-31, 0559 75-58-55, 0770 39-00-24. Анонимдүүлүккө кепилдик берилет.

Толкунбек Шоноевдин өлүмү тууралуу кененирээк маалымат бул жакта.

Автор: Автандил Добулбеков