Бишкекте 1-класстын айрым окуучулары бала бакчалардын имаратында билим алышат. Себеби

Бишкекте окуучулардын санынын өсүшүнө байланыштуу, 1-класстын айрым окуучулары бала бакчалардын имаратында билим алышат. Бул туурасында бүгүн, 11-мартта Билим берүү жана илим министринин маалымат кызматы билдирди.

Маалымдалгандай, учурда шаардагы 120 мектепте 238 миңден ашуун окуучу окуйт, ал эми 1-класста 24 миң 840 бала билим алууда. Келерки жылы 2-класска 25 миңден ашык бала өтөт, ал эми 1-класска кабыл алуу боюнча тактоо жүрүп жатат.

Белгиленгендей, бүгүн, Билим берүү жана илим министри Догдуркүл Кендирбаева катышкан пресс-конференцияда, билим берүү системасын 12 жылдык окутууга этап-этабы менен өткөрүү маселеси талкууланды.

Автор: Замира Ниязбекова