Израил коркунучту жок кылуу үчүн Иранга каршы узак мөөнөттүү операцияга даяр

Израил армиясы Ирандын өзөктүк программасын жана ракеталык потенциалын жок кылуу боюнча узак мөөнөттүү операцияга даяр. Бул тууралуу 20-июндагы брифингде Израил армиясынын расмий өкүлү Эфи Дефрин билдирди.

"Иранда биздин кошумча буталарыбыз бар. Биз чабуулду планга ылайык өнүктүрөбүз жана коркунуч жок кылынмайынча узак мөөнөттүү операцияга даярбыз",- деп жазышты чет өлкөлүк басылмалар анын сөзүн.

Эске салсак, 13-июнга караган түнү Израил Ирандын өзөктүк программасына каршы аскердик операциясын баштаган. Бир суткага жетпеген убакыттан кийин Тегеран жооп чабуулун жасаган. Эки тараптуу чабуулдар дагы деле уланууда.

Автор: Кылымбек Бейшеев
Фото: Интернеттен алынды