Ысык-Көлдөгү ЖОЖдордо миңге жакын студент окубагандыгы аныкталды

Ысык-Көл облусунун аймагында жайгашкан жогорку окуу жайлардан 941 студент окуудан чыгарылды. Бул тууралуу бүгүн, 22-июлда УКМКнын маалымат борбору билдирди.

Маалым болгондой, алардын сабакка катышуусун жана билим сапатын комиссиялык текшерүүдө жогорку окуу жайлардын жана атайын окуу жайлардын талаптарына баш ийбеген студенттер аныкталды.

Касым Тыныстанов атындагы Ысык-Көл мамлекеттик университетинен - 779 студент;
Жусуп Баласагын атындагы КУУнун гуманитардык-табигый илимдер факультетинен – 114 студент;
Иса Ахунбаев атындагы Каракол медициналык колледжинен - 48 студент окуудан чыгарылды;

УКМК жер-жерлерде билим берүүдөгү коррупциялык көрүнүштөргө каршы күрөшүү жана анын сапатын жакшыртуу боюнча иш-чаралар планынын алкагында иштерди улантууда.

Автор: Замира Ниязбекова