Бишкектеги ээси жок, каралбай калган жарнама мамылары бузулуп, ордуларынан алынат. Ошондой эле алардын ижара келишими мындан кийин узартылбайт. Бул тууралуу кечээ, 9-июнда мэриянын басма сөз кызматынан билдиришти.
Маалыматка ылайык, Бишкек аймагында мындай жарнама мамыларынын эскилиги жетип, каралбай калган жана жергиликтүү тургундар үчүн кооптуу. Ошол себептүү ээси жок болгон мамылар демонтаж кылынмакчы. Бүгүнкү күндө шаар ичинде 13 мамынын ээси жок экени аныкталган. Ар бир мамыны демонтаж кылуу үчүн 15 миң сом сарпталат.