Бишкекте 2012-жылы спорт жаатында мыкты ийгилик жараткан тармактар сыйланат

Эртеӊ, 24-январда Бишкекте Дене тарбия жана спорт комитети спорт жаатында 2012-жылдын жыйынтыгын чыгарат. Өткөн жылы мыкты ийгилик жараткан адамдарга СССРдин Эмгек сиңирген спорт чебери Сатымкул Жуманазаров атындагы сыйлык тапшырылат. Бул тууралуу мэриянын басма сөз кызматы билдирди. Маалым болгондой, 2012-жылдын мыктылары төмөнкү наамдар боюнча сыйланат. Алар:

- «Бишкектеги эң жакшы жергиликтүү аймактык башкаруу»,

- «Орто окуу жайлар арасындагы эң жакшы мектеп»,

-«Орто окуу жайлар арасындагы эң жакшы дене тарбия мугалимдери»,

- «2012-жылдагы спорт боюнча эң жакшы инструктор»,

- «ММКнын кызматкерлери арасындагы сынак»,

- «Бишкектеги эң жакшы спорт мектеби»,

- «2012-жылдын мыкты спортчусу»,

- «2012-жылдын мыкты машыктыруучусу»,

- «2012-жылдын эң жакшы спорт жайы, базасы».

Автор: Мээрим Жеңишбек кызы