Нарын. КРнын хоккей боюнча 5-юбилейлик чемпиондугу Нарын шаарында өтөт

25-январда КРнын хоккей боюнча 5-юбилейлик чемпиондугунун 2-туру жана өкмөттүн облустагы өкүлүнүн кубогуна арналган мелдеш Нарын шаарында өткөрүлөт. Бул тууралуу "Ала-Тоо-Дордой" хоккей командасынын машыктыруучусу Болотбек Бектемишов билдирди. Мелдешке 5 команда катышат. Алар: Бишкектин “Арстан", Жумгал районунун "Шортон”, Нарын облусунун “Ала-Тоо-Дордой”, Миң-Куш шаарынын “Миң-Куш” жана Кочкор районунун “Ормон-Хан” командалары. Белгилей кетсек, аталган мелдештин 1-туру Бишкек шаарында 2012-жылдын декабрь айында болуп өткөн. Эми 2-турдан жеңип чыккан командалар Бишкекте февраль айында өтүүчү 3-турга катышышат. Ал мелдеште жеңишке жетишкен командалардын арасынан Кыргызстандын курама командасы түзүлүп, 16-24-мартта Таиланд өлкөсүнүн Бангкок шаарында өтүүчү Азиянын чемпиондугуна катышууга жолдомо алышат.

1. "Ала-Тоо-Дордой" командасы.

Автор: Гүлжан Асанкожоева