Алтынбек Сулайманов өкмөттөн газ боюнча маалымат берүүнү талап кылды

Бүгүн, 3-сентябрда Жогорку Кеңештин жыйынында депутат Алтынбек Сулайманов газ маселеси боюнча өкмөт депутаттарга маалымат берүүсү керектигин айтты. Сулайманов бул маселени сентябрь айынын ичинде кароо сунушун айтты. “Өкмөт, быйыл кышында Ошто газ болобу же жокпу? Маселени чечиш керек. “Кыргызгаз” газ болбойт деп билдирген. Биз билишибиз керек да, качанкыга чейин Ош эли газы жок отура берет?”- дейт депутат.

Депутаттар аталган сунушту эске алуу менен 1 айлык жана 3-4-сентябрдагы жыйындарда карала турган маселелердин күн тартибин бекитишти.

Автор: Жамалидин Парманкулов