Адвокат: "Сот СИЗОдо ымыркай менен отурган Айжан Өмүралиеванын ишин токтотуп салган"

Чүй облустук соту СИЗОдо ымыркайы менен отурган айым Айжан Өмүралиеванын ишин токтотуп салган. Бул тууралуу бүгүн, 14-январда маалымат жыйынында адвокат Күмүшбек Ыбыкеев билдирди.

Анын айтымында, бойго жете элек балдары бар соттолгондорго карата сот тыюу салуучу чараны өзгөртүү боюнча чечимин чыгарганы туура. "Мен бул боюнча даттануу менен сотко кайрылам",- деди жактоочу.

Укук коргоочу Азиза Абдрасулова ал айымдын иши боюнча бир топ мыйзам бузуулар орун алганын айтты. "Биринчиден, А.Өмүралиева тергөөнүн жана соттук процесстин жүрүшүндө адвокаттын коргоосу менен камсыздалган эмес. Экинчиден, кылмыш ишинде ар кандай даталар менен эки өкүм турат: 2006-жылдын 14-июлу жана 2014-жылдын 26-сентябры. Эки өкүмдү тең судья Т.Бекешов караган. Мындан тышкары тергөөнүн жүрүшүндө жана соттук кароодо Өмүралиеванын бойго жете элек балдары бар экени эске алынган эмес",- деп түшүндүрдү укук коргоочу.

Эскерте кетсек, кечээ, 13-январда Бишкектеги №1-СИЗОго 2014-жылдын 11-августунда камакка алынган Айжан Өмүралиева декабрь айында төрөгөндүгү тууралуу маалымат чыккан. Анын бойго жете элек дагы 2 баласы бар экени да маалым болгон.

Автор: Нургазы Аматов
Фото: Нургазы Аматов

14:04 14-01-2015

Жазылуу

РУБРИКАДАГЫ СОҢКУ КАБАРЛАР

23:55 2024-12-26 | Саясат

Ленинградда өткөн ЖЕЭКтин отурумунун жыйынтыгында бир катар документтерге кол коюлду 319 0

23:22 2024-12-26 | Коом жана турмуш

Ошто пиротехника жана тез татым саткандарга түшүндүрүү иштери жүргүзүлүүдө 325 0

22:42 2024-12-26 | Коом жана турмуш

Тилек Текебаев "Бүргөндү" чек ара тозотуна кызматтык аттарды тапшырды 810 0

21:57 2024-12-26 | Саясат

ТИМ Казакстандын аймагында кулаган учактан аман калган кыргызстандыктардын абалы тууралуу маалымат берди 1304 0

21:25 2024-12-26 | Түркүн дүйнө

Казакстанда Актаудагы авиакырсык болгон жерди видеого тарткан блогер кармалды (сүрөттөр) 2429 0

20:49 2024-12-26 | Түркүн дүйнө

ЕАЭБдин кеңейтилген саммити учурунда Пашинян менен Лукашенко кайым айтышты (видео) 2374 0

Архив

Комментарийлер (6)

Elnuram090

2015-01-14 15:05:11

эмне болуп соттолгон экен бул аял?

admin_superstan

2015-01-14 15:13:57

Elnuram090, саламатсызбы!
Бул тууралуу төмөнкү кабардан биле аласыз:
http://www.super.kg/kabar/news/96063/

emin

2015-01-14 15:51:13

Акчалуулардын заманы

danyshman

2015-01-14 16:17:54

Тооба кылдым баласы болсо бул келинди турмодон чыгарып салгыла да,эми бул келинди камап эмне кылышат тем более баласы менен.

sungjinsystem

2015-01-14 17:21:08

Уурулук менен тушкон экен, оор кылмыш эмес, чыгарып койсонор жакшы болот. "Мыйзамдагы уурулар",миллиондорду жок кылган чиновниктерди деле чыгарып, чет олкого узаттынар го.

aika1405

2015-01-14 17:46:32

Канча уурдаган экен ким билет,миллион уурдабагандыр,баласына боорум ооруп жатат туберкулез жугуп калбаса экен деп.

Комментарий калтыруу үчүн өз ысымыңыз менен кириңиз же каттоодон өтүңүз.