"Ветеринария боюнча жылына 100дөй кадр даярдалат, бирок бири да ишке орношпойт" дешти депутаттар

Кыргыз мамлекетинде ветеринария адистиги боюнча жылына 100дөй кадр даярдалат, бирок бири да ишке орношпойт. Муну парламенттин 1-апрелдеги жыйынында депутат Талант Узакбаев билдирди. Депутат жаштарда колдоого багытталган өкмөттүн мыйзам долбооруна каршы.

"Мыйзамды кабыл алып койсок эле жаштардын көйгөйү чечилип калат деген таптакыр туура эмес нерсе. Бизде Жаштар министрлиги бар, анын эмне иш жасап жатканы белгисиз. Окуу жайлардын бүтүрүүчүлөрүн ишке орноштуруу боюнча кандай жардам берип жатканын айта албайбыз. Совет мезгилинде жаштардын айылда кармалып калышына, айылдарда иштешине мүмкүн болушунча жардам берилчү. Азыр андай нерсе жок",- дейт депутат.

Автор: Автандил Добулбеков