Кыргыз жарандарын чет өлкөдө мыйзамсыз жумушка орноштургандарга карата айып пулдун көлөмү жогорулайт

Жогорку Кеңеш бүгүн, 15-апрелдеги жыйынында Кыргыз Республикасынын жарандарын чет өлкөдө мыйзамсыз жумушка орноштургандарга карата айып пулдун көлөмүн жогорулатуу боюнча мыйзам долбоорун 2-окууда жактырды.

Долбоорго ылайык, чет өлкөгө жумушка мыйзамсыз жөнөтүү менен алектенген адамдарга карата айып пулдун өлчөмүн төмөнкү ченемге чейин жогорулатууну сунуштайт:

- физикалык жактар үчүн – 50дөн 100гө чейинки эсептешүү көрсөткүчүнүн өлчөмүндө;

- кызмат адамдары үчүн – 100дөн 200гө чейинки эсептешүү көрсөткүчүнүн өлчөмүндө;

- юридикалык жактар үчүн – 500дөн 1000ге чейинки эсептешүү көрсөткүчүнүн өлчөмүндө.

Автор: Нургазы Аматов