Өзгөчө кырдаалдар министри Кубатбек Боронов Талас облусундагы сел болгон аймактарга барды

Өзгөчө кырдаалдар министри Кубатбек Боронов Талас облусундагы сел болгон аймактарга барды. Бул тууралуу бүгүн, 13-майда аталган министрликтен билдиришти.

Маалыматка караганда, Өзгөчө кырдаалдар министри Кубатбек Боронов жабыркаган жарандардын ал-абалы менен таанышып, кырсыктын кесепеттерин жоюу иштерине жеринде жетекчилик кылууда.

Айта кетсек, 12-май күнү саат 17:30 чамасында Талас районунда катуу жамгыр жааган. Анын кесепетинен 71 турак үйдү суу каптап, анын ичинен 4 үй авариялык абалда деп табылган. Ошондой эле бир сарай кулап калган.

Автор: Бекжан Рыскулов