Бишкек мэри Кубанычбек Кулматов Санкт-Петербургдун губернатору менен жолугушту

Бишкек шаарынын мэри Кубанычбек Кулматов Орусиянын Санкт-Петербург шаарында болуп, аталган шаардын губернатору Георгий Полтавченко менен жолугушту. Бул тууралуу мэриядан бүгүн, 26-июнда кабарлашты.

Маалыматка ылайык, жолугушуунун жүрүшүндө эки тараптуу кызматташтык тууралуу сөз болду. Георгий Полтавченко конокторду тосуп алып, соода-экономикалык багытта кызматташтык мындан ары уланарына үмүт артарын билдирди. Өз кезегинде К.Кулматов эки шаардын соода-экономикалык кызматташтыгын кеңейтүү, илимий-техникалык жана маданият тармагында кызматташтыкты жаңы деңгээлге чыгарууга даяр экенин билдирди.

Автор: Максат Кудайбердиев