Тышкы иштер министрлигинин атайын штабы шайлоого жооптуу чет өлкөдөгү адамдарды окуудан өткөрөт

Тышкы иштер министрлигинин атайын штабы парламенттик шайлоого даярдык көрүүнү улантууда. Министрликтин билдиришинче, августтан бери штаб 3 жолу жыйын өткөрүп, "Кыргыз Республикасынын Президентин жана Жогорку Кеңештин депутаттарын шайлоо жөнүндө" мыйзамдын толук аткарылышы боюнча ыкчам чечимдер кабыл алынды. Азыркы учурда штабдын алдында 3 негизги милдет турганы айтылат, алар:

- Чет мамлекетте туруктуу же убактылуу жашаган кыргыз жарандары боюнча шайлоочулардын сапаттуу кошумча тизмесин түзүү;

- Эл аралык байкоочулар боюнча иштерди жүргүзүү;

- БШК жана Мамлекеттик каттоо кызматы менен биргеликте чет мамлекеттеги участкалык шайлоо комиссияларынын мүчөлөрүн, консулдук жооптуу кызматкерлерди окутуу жана аларга тийиштүү жабдууларды таратып берүү.

Автор: Автандил Добулбеков