"21 жаштагы уулумду атып кетишкен, эми кылмышты иликтөөгө бут тосуулар болуп жатат" дейт маркумдун апасы

"10-июнда Ысык-Көл облусунун Каракол шаарында белгисиз адамдар тарабынан атып өлтүрүлгөн Темирлан Алиевдин кылмыш ишине бут тосуулар болуп жатат". Бул тууралуу бүгүн, 2-августтагы маалымат жыйында маркумдун апасы Кенжегүл Усубалиева билдирди.

Анын билдиришинче, окуяга чейин уулун бычак такап коркутуп кетишкен. Анын моюнунда бычактын издери түшүп жүргөнүн, ага кимдир бирөөлөр телефон чалып коркутуп жүрүшкөнүн достору айтышкан.

Ошондой эле ал баласынын өлүмү тууралуу табышмактуу жагдайлар көп болуп милиция тарабынан жакшы иликтенилбей атайын создуктурулуп жатканын айтты.

"Окуя болгон күнү шектелип бир бала кармалган, кийин аны Темирландын өлүмүнө тиешеси жок экен деп коё беришиптир. Андан бери 2 айга жакын убакыт өтсө да эч кандай жылыш жок, жадакалса экспертизанын жыйынтыгы да чыга элек. Баламдын досторунун унаасы Темирланды атып кетишкен курулуштун аймагына окуя болгон учурда белгисиз унаа менен чогуу барганы видеого түшүп калган. Бирок алар биз жок элек деп танып жатышат. Ошол жерде уулумду өлтүрүлгөн маалда күзөтчү болуп иштеген эки бала да жумуштан чыгып кетишиптир. Азыр кайсы жакта экени белгисиз. Ушулардын баарын тыкыр изилдешкенде кылмышкер тез эле табылмак", - дейт ал.

Андан сырткары Кенжегүл Усубалиева жергиликтүү укук коргоо органдарына болгон ишеничи жоктугун, акыйкатты президент Алмазбек Атамбаев менен Башкы прокурор Индира Жолдубаевадан табам деп атайын Бишкекке келгенин айтат.

Автор: Кенжебай Сатканалиев
Фото: Интернеттен алынды

13:09 02-08-2017

Жазылуу

РУБРИКАДАГЫ СОҢКУ КАБАРЛАР

21:53 2025-06-21 | Коом жана турмуш

Камчыбек Ташиев Ысык-Көлдөгү эс алуучу жайлардын жетекчилерин чогултту. Себеби 114 0

19:50 2025-06-21 | Коом жана турмуш

"Чындыкка дал келбейт". МИК чөгүп жатат делген үйлөр боюнча үн катты (видео) 1155 0

18:16 2025-06-21 | Коом жана турмуш

Талаада таштанды терип жүргөн балдардын аракети жүрөк жылытты (видео) 799 0

17:48 2025-06-21 | Кылмыштар, кырсыктар

Куураган чөптөр күйүп... Бишкектин эки жеринде өрт катталды (видео) 496 0

16:38 2025-06-21 | Коом жана турмуш

Бишкек–Ош унаа жолуна япон технологияларын колдонуу менен 750 метрлик тоннель курулат 967 0

16:17 2025-06-21 | Коом жана турмуш

Бишкекте мамлекеттик ипотекага берилген жаңы үйлөрдүн бири чөгүп жаткандыгы айтылды (видео) 3372 0

Архив

Комментарийлер (3)

Zaika10

2017-08-02 13:18:26

Тооба кылдым,мындай нерсени эч кимдин башына салбасын. Ишенип келген адамдары экоо болсо.... Балык башынан сасыйт дегендей...Бизде мыйзам иштебейт.

almanbetperm

2017-08-02 20:35:39

Эч кимге каттуу айтпайт элем,бирок айтышка туура келип жатат АША ушул сенин кызынды да ит аткандай атып кетишсе экен корот элем. Минус бассанар баскыла,

Aima94

2017-08-03 03:50:26

almanbetperm, Ар бир адамга ыйман берсин. Эмнегедир кырсыктар өтө көп болуп жатат. Баары келип акчага, жетишпеген жашоо, көрө албастык!!!! Бири бирибизди чукуп жашамай

Комментарий калтыруу үчүн өз ысымыңыз менен кириңиз же каттоодон өтүңүз.