Африкада арстанды сылай коём деген киши аз жерден колунан айрылып кала жаздады (видео)

Африканын Сенегал аймагында жергиликтүү "Park Hann" зоопаркында гид болуп эмгектенген Абдулай Вэйд аттуу кызматкер тордун сыртынан жырткычты сылай коём деп аз жерден колунан айрылып кала жаздады. Бул тууралуу чет элдик басылмалар жазып чыгышты.

Маалыматка ылайык, эркек киши конокторго жакшы таасир калтырам деген ойдо капастагы арстанга колун салып жиберген.

Видеодон жырткыч бошонууга аракет кылып, кыйкырып жаткан жумушчунун колун тартып жатканын көрүүгө болот.

"Ал ортодо зоопарктын кызматкери арстанды бир урганга үлгүрсө, окуянын күбөлөрү арстанга таш ыргытышкан. Акырында арстан кишини коё берген. Ал эми жабыркаган кызматкерге медицина кызматкерлери жардам берген. Учурда анын абалы тууралуу маалымат жок", - деп жазылат маалыматта.