Ош мэриясы чек арада жаракат алган аскер кызматкерлеринен кабар алды

Ош шаарынын мэриясынын өкүлдөрү Тажик тараптын куралдуу кол салуусунан жаракат алган аскер кызматкерлеринен кабар алышты.

Мекеменин маалыматына таянсак, чек арадагы куралдуу кагылышта жаракат алган 9 аскер кызматкери Ош облустук клиникалык ооруканасында дарыланууда. Аларга мэриянын атынан спорттук кийимдер, мөмө-жемиштер жана таттуулар берилди.

"Биздин негизги милдетибиз – сиздердин эрдиктериңиздерди унутпай даңазалоо. Ар бириңиздер баатыр деген наамга татыктуусуздар. Ушундай коргоочуларыбыз бар экенине сыймыктанышыбыз керек", - деген вице-мэр Венера Рыскулова.

Автор: Айжанар Рыспек кызы
Фото: Ош шаардык мэриясы