“Манас” аэропортунда 3 ПЦР-лаборатория иштеп жатат

“Манас” эл аралык аэропортунун аэробекеттик комплексинде 3 экспресс-лаборатория иш алып барууда. Бул тууралуу аэропорттун басма сөз кызматы билдирет.

Маалымдалгандай, ПЦР-анализ тапшырып, кыска мөөнөттө изилдөөнүн жыйынтыгын төмөнкү экспресс-лабораториялардан алууга мүмкүн:

- Бонецкий лабораториясы;

- Medikana Plus;

- AMSBIO lab;

Мекемеден билдиришкендей, "Манас" эл аралык аэропорту ПЦР-тест тапшырууну талап кылууда деген маалымат чындыкка дал келбейт.

"Бул биздин эмес, сиздер бара турган өлкөлөрдүн талаптары. Андыктан ПЦР-тести тууралуу маалыматты авиабилеттерди сатып алуу учурунда же Кыргызстандан бара турган өлкөнүн элчилигинен тактап алууңуздарды суранабыз”, - деп айтылат билдирүүдө.

Автор: Максуда Кудайбердиева