Кыргызстандык окуучу эл аралык олимпиадада алтын медаль алды

Кыргызстандык окуучулар Түндүк Македониянын Струга шаарында өткөн 29-Балкандык жаштар математика олимпиадасында байгелүү орундарга ээ болушту.

Агартуу министрлиги билдиргендей, олимпиада 24-29-июнда болуп, ага 24 өлкөдөн 135 мектеп окуучусу катышты.

Олимпиадада Ариет Акимов (7-класс, “Газпром Кыргызстан” мектеби, Бишкек шаары) алтын медаль утса, Бектен Абдувалиев (7-класс, ISK эл аралык мектеби, Ош шаары) жана Адилет Шакиралиев (9-класс, Купуев академиясы, Ош шаары) коло медалга ээ болду.

Белгилей кетчү жагдай, Кыргызстан Балкандык жаштар математика олимпиадасында алгачкы жолу алтын медаль утту.

Балкандык математика олимпиадасы 1997-жылдан бери жыл сайын жаштар арасында өткөрүлүп келет. Кыргызстан ага 2015-жылдан бери катышып келүүдө. Бүгүнкү күндө өлкөбүздүн куржунунда жалпы 6 медаль: 1 алтын, 1 күмүш, 4 коло бар.

Автор: Айжанар Рыспек кызы
Фото: Билим берүү министрлиги