Жантөрө Сатыбалдиев: "Милиция кызматкерлери сойкулар менен сауналарды “крышовать” этет"

"Милиция кызматкерлери сойкулар менен сауналарды “крышовать” этет. Муну эл билет, ошондуктан алар милицияга ишенишпейт" деди өкмөт башчы Жантөрө Сатыбалдиев 25-январдагы өкмөттүн жыйынында. “Курсакты бир чыны лагман же манты менен деле тойгузуп алса болот” деген премьер-министр РИИБи башчылары, болгону, 70 киши экенин, эгерде алар таза иштесе өлкөдө тартип сакталарын белгиледи. Жантөрө Сатыбалдиев ошондой эле Ички иштер министри Шамиль Атахановдон бул тармакта тезирээк реформа жүргүзүүнү талап кылды.