Токтогул суу сактагычындагы суунун көлөмү 10,8 миллиард куб метр

Токтогул суу сактагычында топтолгон суунун көлөмү учурда 10,8 миллиард куб метр. Бул былтыркыга караганда 2 миллиард куб метрге көп экенин 18-январда өкмөт башчы Темир Сариев күз-кышкы жылытуу мезгилин өткөрүү боюнча республикалык штабдын жыйынында айтты.

Премьер-министр бөлүштүрүү компанияларынын түйүнүндө техникалык жоготууларды 14 пайызга төмөндөтүү тапшырмасы берилгенин эске салды. Темир Сариев 2015-жылдын жыйынтыгы боюнча жоготуулардын көлөмү “Жалал-Абад электр” компаниясында – 14, “Батыш электр” – 8, “Чыгыш электр” - 17, “Ош электр” компаниясында – 14,6 пайыз, ал эми жалпы өлкөбүз боюнча 14,9 пайызды түзгөнүн билдирди.

Темир Сариев техникалык жоготууларды азайтуу боюнча ишти күчөтүү зарылдыгын айтып, быйыл жоготууларды 13 пайызга түшүрүү тапшырылганын кошумчалады. Ошондой эле бөлүштүрүү компанияларынын алдында дебитордук карыз 275,6 миллион сомго көбөйгөнүн маалымдады. “Электр энергиясын жоготуу жана карыздарды чогултуу боюнча ишти кескин түрдө жакшыртуу керек. Буга байланыштуу тиешелүү жетекчилердин жоопкерчилиги каралат. Аймактарда бул боюнча облус, район жетекчилери да жооп беришет”,- деди ал.

08:16 19-01-2016

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

15:55 2024-05-04 | Коом жана турмуш

Өлкөдө канча соода борбору бар экени белгилүү болду 25 0

15:15 2024-05-04 | Коом жана турмуш

Мамлекет башчы Сузактагы окуядан жабыркаган балдардан кабар алды 301 0

14:44 2024-05-04 | Коом жана турмуш

"Аймактарда жаан жаайт". 5-майга карата аба ырайы 250 0

13:40 2024-05-04 | Кылмыштар, кырсыктар

Оштогу Кызыл-Суу дарыясына түшүп кеткен наристенин сөөгү табылды 564 0

13:06 2024-05-04 | Коом жана турмуш

Чолпон-Атада эл аралык марафондун жеңүүчүлөрү сыйланды 326 0

13:01 2024-05-04 | Коом жана турмуш

Басма сөз эркиндигинин эл аралык күнү: Бишкекте журналисттер көчөт отургузушту 217 0

Архив

Комментарийлер (3)

elchi84

2016-01-19 08:25:19

Кун ыссык болуп жатат ошого 2млд куб суу коп болуп жатат.Эгер суук болгондо корот эленер.

Rifle_2

2016-01-19 09:28:03

Бирөө жарым жолдон өтүп баратканда тартып койгулачы, көрүп коелу. Булардын отчетторуна ишене бербейм. Былтыр өтүп баратканда көргөн элем, көлөмү аябай азайып кеткен эле.

bolotbek91

2016-01-19 09:51:47

кайра азая баштаптырго

Комментарий калтыруу үчүн өз ысымыңыз менен кириңиз же каттоодон өтүңүз.