Ош шаарында былтыр 22 миң пенсионер 1,1 миллиард сом пенсия алышканы айтылды

Ош шаарында 2016-жылдын 1-январына карата пенсионерлердин саны 22 миңди түздү. Бул тууралуу 27-январда Ош шаардык мэриясынын коллегиялык жыйынында биринчи вице-мэр Замирбек Аскаров билдирди. 2015-жылы пенсия төлөөгө 1 миллиард 196 миллион сом бөлүнсө, мунун 721 миллион 500 миң сому почта аркылуу, 474 миллион 600 миң сому банктар аркылуу берилгени айтылды.

Былтыр Ош шаарындагы жөлөк пул алуучулар 3654 адамга жетип, 93 миллион сом бөлүнгөн.

"Аз камсыз болгон 284 үй-бүлөнүн 765 баласына мамлекеттик жөлөк пул дайындалып, жыл башынан бери 5,2 миллион сом бөлүнгөн. Ош шаарынын мэриясынын резервдик фондунун эсебинен 106 адамга 243 миң сом жардам берилген, ал эми бюджеттик каражаттардын калдыгынын эсебинен 550 адам, жалпы 4,8 миллион сом материалдык жардам алышты”,- деди Аскаров.

Автор: Автандил Добулбеков