Балбан Айаал Лазарев "Рио-де-Жанейро-2016" Олимпиадасына жолдомо алды, бул кыргыз мамлекетинин 13-жолдомосу

Якутиялык балбан, кыргыз өлкөсүнүн атынан күрөшүп келген Айаал Лазарев "Рио-де-Жанейро-2016" Олимпиадасына катышмай болду. Эркин күрөш боюнча 125 килограмм салмакта күрөшкөн Айаалга жолдомо кокусунан тийди. Тактап айтканда, 11-майда Бириккен күрөш дүйнөсү уюму (UWW) жолдомо уткан 7 спортчунун жолдомосун жокко чыгарып, жолдомолорду башка спортчуларга берди. Бул жыйынтыктары жокко чыгарылган спортчулардын допинг колдонгону менен байланыштуу.

Аталган уюмдун расмий сайты кабарлагандай, 125 килограмм салмакта Ален Засеев (Украина) менен Юсуп Жалиловдун (Беларусь) жолдомолору Любен Илиев (Болгария) менен Даниэль Лигетиге (Венгрия) берилди. Болгария курамасы бул салмакта буга чейин жолдомо уткандыктан, Олимпиадага жолдомо Айаал Лазаревге (Кыргыз Республикасы) ыйгарылды.

Кошумчалай кетсек, 5-21-август аралыгында Бразилияда өтө турган Олимпиадага азырынча 13 спортчу бара турган болуп жатат. Жалпысынан кыргыз спортчулары Олимпиадага 13 жолдомо камсыздашты. Буга чейин жеңил атлетчилер Мария Карабицкая, Юлия Андреева, Дарья Маслова, Виктория Полюдина, грек-рим күрөшүнөн Арсен Эралиев, Жанарбек Кенжеев, Мурат Рамонов, Руслан Царев, эркин күрөштөн Магомед Мусаев, кыз-келиндер күрөшүнөн Айсулуу Тыныбекова, мушкер Эркин Адылбек уулу жана оор атлетика боюнча улуттук курам Олимпиада оюндарына жолдомо алган.

10:34 12-05-2016

Автор: Максат Кудайбердиев
Фото: Интернеттен алынды

Жазылуу

РУБРИКАДАГЫ СОҢКУ КАБАРЛАР

19:54 2024-04-26 | СОТТУК ИШТЕР

Тилек Матраимов үй камагына чыгарылды 35 1

19:16 2024-04-26 | Коом жана турмуш

Бишкекте айрым троллейбус каттамдары убактылуу токтотулат 105 0

18:57 2024-04-26 | Саясат

Кыргызстан менен Орусиянын Парламенттер аралык комиссиясынын X отуруму болуп өттү 129 0

18:39 2024-04-26 | Кылмыштар, кырсыктар

Кайгуул кызматынын кызматкери пара алууга шектелип кармалды 329 0

18:24 2024-04-26 | Коом жана турмуш

Ички иштер органдарынын 87 жетекчиси тартип жазасына тартылды 306 0

17:52 2024-04-26 | Бизнес-Инфо

Туулган күнүң менен, MEGA! Уюлдук оператордон Кыргызстандын санариптик трансформациясынын чыйыр салуучусуна чейинки жол 155 0

Архив

Комментарийлер (3)

abusait

2016-05-12 10:40:23

Маладец. Якуттар деле биздин туугандарда.

bekos2012

2016-05-12 10:58:33

Пешенеси да, эми Бразилияда да ушинтип медаль тагынып кел якут тууган

Rifle_3

2016-05-12 15:56:32

Ийгилик каалабыз !

Тиякта болсо Дастан Б. окуучулар 5 күн оку керек деп жүрөт. Өнүккөн өлкөлөргө салыштырып. Анда билим денгээл нөл болот го. Реформа реформа деп жүрүп Кыргызстанды жок кылат окшойт.

-2

Комментарий калтыруу үчүн өз ысымыңыз менен кириңиз же каттоодон өтүңүз.