Бабанов жакындары менен жолугуп, кийинки кадамдары тууралуу акылдашат

Тектеш кабарлар: Бабановго каршы козголгон кылмыш иштердин таржымалы (125 материал)

Бүгүн, 9-августта Өмүрбек Бабанов Кыргыз өлкөсүнө кайтып келди. Бабановдун өкүлү Мирсулжан Намазалиев SUPER.KG порталына билдиргендей, азыр ал жакындары менен жолугат. "Андан соң кийинки кадамдары тууралуу жакындары менен акылдашат. Ал эми качан маалымат жыйын өткөрө турганы азырынча белгисиз", - деди Намазалиев.

Учурда Бабанов өз үйүнө жетти.

8-августта Бабанов өлкөгө кайтуу ниетин билдирген. Көп өтпөй УКМК "Бабанов келсе мыйзам чегинде жоопко тартылат" деп билдирүү тараткан. Буга чейин Бабанов бир нече жолу өлкөгө кайтып келерин айтып, бирок келген эмес.

Автор: Жылдыз Джускембаева
Фото: Жылдыз Джускембаева