Олег Роганов "Азия өлкөлөрү арасында медаль алууга жумшалган каражат боюнча Кыргызстан эң ылдыйда”

Байгелүү орунду ээлеген спортчулар менен башкы машыктыруучу

Кайык менен сүзүү боюнча Кыргызстан курама командасынын машыктыруусу Олег Роганов

Байгелүү орунду ээлеген спортчулар

Байгелүү орунду ээлеген спортчулар менен башкы машыктыруучу

Бүгүн, 3-октябрь күнү Дене тарбия жана спорт агенттигинин маалымат борборунда Өзбекстанда кайык менен сүзүүдө байгелүү орун алган спортчулар менен машыктыруучулар маалымат жыйын өткөрдү. Анда кайык менен сүзүүдө Кыргызстан курама командасынын башкы машыктыруучусу Олег Роганов: “Мындай жакшы жетишкендик үчүн машыктыруучу курамдын бардык мүчөлөрүнө ыраазылык билдирем. Мыкты курама команданын куралышына ар биринин салымы бар”, - деди. Ошондой эле каржы маселесиндеги көйгөйлөр тууралуу: “Жайында Ала-Арча суу сактагычындагы базада, кышында Ысык-Көлдө машыгабыз. Чет жерлерде машыгуу сборлорго чыгууга бизде каражат жок. Азия өлкөлөрү арасында медаль алууга жумшалган каражат боюнча биз эң ылдыйдабыз”, - дейт Олег Роганов. Эске салсак, 26-29-сентябрь аралыгында Самарканд шаарында өткөн кайык менен сүзүүдө кыргызстандык үч спортчу медаль тагынды. Анда эки кишилик кайык менен жарышууда Игорь Дорофеев менен Максим Бондарь күмүш медалга татыса, бир кишиликте Руслан Молтаев менен жаштар арасында Кирилл Бондарь коло медаль жеңген.