Токмокто кан-тамырын кесип, өз жанын кыюуга аракет кылган жаран куткарылды

Токмокто 40 жаштагы жаран кан-тамырын кесип, өз жанын кыюуга аракет кылган жаран куткарылды. Бул тууралуу ӨКМдан билдиришти.

Маалыматка ылайык, Токмокто 1982-жылы туулган С.А. аттуу жаран колунун кан-тамырын кесип, жаңы курулуп жаткан имараттын 9 кабатынан секирип, жанын кыюуга аракет кылып жаткан жеринен куткарылды.

Окуя саат 20:32 чамасында Чүй облусуна караштуу Токмок шаарынын Жантаев көчөсүндө орун алган. Жерине ӨКМдин Токмок шаардык №21 Өрткө каршы куткаруу кызматынын 4 куткаруучусу тартылып, өз өмүрүн кыюуга аракет кылган жаранды 9-кабаттан түшүрүшүп, биринчи медициналык жардам көрсөткөн соң ИИМ жана "Тез жардам" кызматкерлерине өткөрүп беришкен.

Алдын ала маалыматка караганда ал мас абалында болгон.

Автор: Алина Айдарбекова
Фото: ӨКМнын басма сөз кызматы