13 жашар кыздын зордукталышы: Айыптоочу төртүнчү шектүүгө 9 жыл сурады

Бүгүн, 27-сентябрда Бишкектин Биринчи Май райондук сотунда колдон-колго өтүп зордукталды делген 13 жашар кыздын иши боюнча төртүнчү шектүүнүн иши каралды. Бул тууралуу SUPER.KG порталына жабылануучу тараптын жактоочусу Тимур Султанов билдирди.

Анын айтымында, Биринчи Май райондук сотунун судьясы Мирбек Сатарбек уулу тараптардын жарыш сөзүн укту. Айыптоочу зордуктоого төртүнчү шектүү 19 жаштагы М. у. М.ны "Он алты жашка чыга элек адам менен сексуалдык мүнөздөгү аракеттер" беренеси боюнча күнөөлүү деп таап, 9 жылга эркинен ажыратуусун суранды.

Жараяндын жыйынтыгында соттук отурумду 4-октябрга жылдыруу чечими кабыл алынды. Ал күнкү отурумда айыпталуучу акыркы сөзүн айтуусу керек.

SUPER.KG порталына 13 жашар секелектин ата-энеси кызын 2 милиция кызматкери жана 2 жөнөкөй жаран жарым жылдай зордуктап жүрүшкөнүн айтып беришкен. Алардын айтуусунда, мындай көрүнүш өткөн жылдын август айынан 2022-жылдын февраль айына чейин уланган. Бул кылмышка шектелип эки милиция кызматкери, ошондой эле “Дордой” базарында күзөтчү болуп иштеген жаран жана 19 жаштагы дагы бир жаран кармалган.

30-августта Бишкектин Свердлов райондук соту үч айыпталуучуну күнөөлүү деп таап, эки милиция кызматкерин 15 жылдан, ал эми "Дордой" базарынын кароолчусун 10 жылга эркинен ажыраткан. Ошондой эле алардын ар бири 100 миң сомдон моралдык компенсация төлөөгө милдеттендирилген.

17:45 27-09-2022

Автор: Бек Оморбеков
Фото: Бек Оморбеков

Жазылуу

РУБРИКАДАГЫ СОҢКУ КАБАРЛАР

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 102 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 123 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 288 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 212 0

19:54 2024-04-26 | СОТТУК ИШТЕР

Тилек Матраимов үй камагына чыгарылды 683 1

19:16 2024-04-26 | Коом жана турмуш

Бишкекте айрым троллейбус каттамдары убактылуу токтотулат 255 0

Архив

Комментарийлер (2)

maria87

2022-09-27 19:02:00

Кыздарды кысымга алуу жылдан жылга күчөп бара жатат. Өзгөчө диний түшүнүктөрдү жамынып алып кыздарды психикалык, физикалык басымга алууну токтотуу керек

zam81

2022-09-28 10:05:00

Омурбойу сурагы жок камалат деген мыйзам болбой калды ошондо

Комментарий калтыруу үчүн өз ысымыңыз менен кириңиз же каттоодон өтүңүз.