Акылбек Жапаров ЕӨАКнын тар курамдагы жыйынына катышты

Бүгүн, 2-февралда министрлер кабинетинин төрагасы Акылбек Жапаров Казакстандын Алматы шаарында өтүп жаткан Евразиялык өкмөттөр аралык кеңешинин тар курамдагы жыйынына катышты. Бул тууралуу өкмөттүн маалымат кызматынан билдиришти.

Маалымдалгандай, Евразиялык өкмөттөр аралык кеңешинин тар курамдагы жыйынынын катышуучулары, жыйындын катышуучуларынын кароосуна жана чечим кабыл алуусуна сунушталган бир катар маселелерди карап чыгышты.

Белгилей кетсек, үстүбүздөгү жылы Евразиялык өкмөттөр аралык кеңешинин органдарына төрагалык кылуу Кыргызстандан Орусияга өткөрүлүп берилди.